05.16.07

ملخص دورة الPHP في مدونة تاموراي

نشرت تحت تصنيف PHP في 8:12 م بواسطة tamurai

السلام عليكم ورحمة الله وبركاته
عشان أخرج من الموود الوحش بتاع التدوينة السابقة

هقول ملخص دورة تعليم لغة PHP ..الي هتصدر هنا إن شاء الله
طبعا للي ميعرفش لغة الPHP هي لغة برمجة مواقع الإنترنت الشهيرة
تتميز بسهولتها وسرعتها في التعلم والتنفيذ…
الدورة دي بإذن الله هتكون بالعامية…لو حد عنده أعتراض يقول …ونتناقش قبل منبدأ ان شاء الله.
هيبقى فيها ان شاء الله ترجمة لبعض موضوعات عمالقة اللغة ولو انهم يهو… بس هنعمل ايه بقى.
جدول الدروس ماشي مع مجموعة دروس موجودة على موقع كبير لكن هنزود من هنا وهناك عشان الشغل يكون كامل ان شاء الله.
نقول ان شاء الله التقسيمة أو جدول الدروس – معلش مش هيبقى فيه جدول زمني( يعني حسب التساهيل) -

1 – المقدمة
2 – اساسيات اللغة و المتغيرات
3 – جمل الشرط وحلقات التكرار
4 – المصفوفات والدوال
5 – التعامل مع الملفات
6 – الدوال
7 – الكائنات وبرمجتها
8 – قواعد البيانات
9 – التعامل مع SQLite لقواعد البيانات (مقدمة )
10 – الجلسات
11 – التعامل مع ملفات ال.XML وكل ما يتعلق بها
12 – التعامل مع الأخطاء
13 – تأمين عملك وحمايته
14 – تجميع السابق وعمل أول تطبيق عملي
15 – كيفية عمل ملف PDF بسيط بلغة الPHP

يا ريت يا جماعة اللي عنده تعليق يقول بسرعة علشان نبدأ في الشغل
وربنا ييسر والعمل يطلع جميل ويفيد أي حد نفسه يدخل عالم البرمجة…ونسألكم دعوة حلوة باي حاجة تيجي على بالك
مستني ردود تحميس :)
سلاااااام ودمتم بعافية

تعليقات »

  1. كريم قال,

    مايو 21, 2007 في 1:49 م

    إحنا نزلنا ملخص لكورس ال
    PHP
    ونمنا ولا أيه؟؟؟؟ :)

    يله عشان تصحصح
    تااااااج
    :)

  2. Stylish قال,

    مايو 21, 2007 في 3:40 م

    بانتظار الدورة إن شاء الله

    بس بلاش كسل بقى علشان مننامش معاك :D

  3. tamurai قال,

    مايو 22, 2007 في 2:47 ص

    يا سيدي لا نمنا ولا حاجة
    بس انا كتبت الموضوع ده قبل مسافر لأهلي
    وانا لسه راجع انهارده…وان شاء الله أبدأ على طول
    مع ان حصل موضوع كده حلو ممكن يأخر شوية الدروس
    بس ان شاء الله مش هتتأخر…انا هعمل تدوينة للتاج بتاعك أهو :)

  4. tamurai قال,

    مايو 23, 2007 في 12:52 ص

    أخي Stylish مرحبا بك في مدونتي الصغيرة الغلبانة
    وربنا ييسر وتستفيد من المواضيع القادمة بإذن الله….مدونتك جميلة :)
    دمت بعافية

  5. KIKO قال,

    مايو 24, 2007 في 6:24 م

    ما شاء الله ,, بارك الله فيك أخي الكريم ووضعه في ميزان حسناتك ,,
    لكن أعتقد أنك نسيت شئ بسيط ,, ألا وهو (( محرر اللغـــة )) ,,
    شخصيــاً أفضل (( PHPCoder )) ,, وننتظر أراء الأخوان ,,

    وشكراً

    ؛؛؛

  6. tamurai قال,

    مايو 24, 2007 في 7:19 م

    صراحة انا مجربتوش يا أخ كيكو بس انا بشتغل على تلاتة
    notepad++ Editor لو حاجة بسيطة ومش بالعربي
    Dreamweaver أغلب الشغل العادي
    Zend studio لو شغل تقيل :)
    هو على العموم انا كنت هذكر الحاجات دي في المقدمة ان شاء الله
    والموضوع قرب جدا :D
    وأهلا بيك في المدونة :)

  7. ahmed4web قال,

    مايو 30, 2007 في 1:28 م

    السلام عليكم ورحمة الله وبركاته
    انا ياحج احمد عبد الفتاح (منف)
    بارك الله فيك انته فعلا قصدت الهدف المطلوب ربنا يعينك ونحن ورائك
    اتمنى السرعة فى التنفيذ .
    ثانيا انته وحشتنا اوى
    ثالثا عاوزين نشوفك
    رابعا باركلى انا جبت لاب توب
    خامسا for the best programming with php
    واخيرا السلام عليكم ورحمة الله وبركاته

  8. tamurai قال,

    مايو 30, 2007 في 6:00 م

    وعليكم السلام ورحمة الله وبركاته يا ابو حميد
    ربنا يسهل وانجز شوية…أحسن فيه تطورات في حياة الواحد
    ومش عايز الموضوع ده يفلت مني
    وانا بس مش عايز أنزل أي حاجة وخلاص
    انا نفسي تكون حاجة زبد ( ضم الزاي وافتح الباء وربنا يجعله عامر) كده
    انا مش فاهم خامسا دي…انجليزي ده يا مرسي :)


أترك تعليقا